حیزبوڵڵا باکووری ئیسرائیل بۆردوومان دەکات

ئاڤا نیوز

 

لە دوای هێرشە چڕەکەی شەوی ڕابردوو ئیسرائیل بۆ سەر باشووری بەیرووت، حیزبولڵای لوبنان هێرشی پێچەوانەی کردە سەر ناوچەی کاپری لە باکووری ئیسرائیل.

 

ڕاگەیێنراوی فەرمی: حیزبوڵڵای لوبنان لە ڕاگەیێنراوێکدا ڕایگەیاند: چەکدارەکانی بە مووشەکی جۆری فادی 1، باکووری ئیسرائیلیان بۆردوومان کرد، ئەمەش "وەک کاردانەوەیەک بەرامبەر بە داگیرکاری ئیسرائیل بۆ سەر شار و گوندەکان و خەڵکی مەدەنی".

 

لەلایەکی دیکەوە: سوپای ئیسرائیل هێرشی نوێی لە دژی حیزبوڵڵا و لە ڕۆژهەڵاتی لوبنان دەستپێکردووە و ڕایگەیاندووە:" سوپای لە هێرشکردنە سەر ئامانجەکانی بەردەوام دەبێت بۆسەر حیزبوڵڵا لە ناوچەی بەقاع لە ڕۆژهەڵاتی لوبنان'. 

 

ئەوەی ئێستا ڕوودەدات: ئیسرائیل هێرشێکی تووندی لە دژی حیزبوڵڵا دەستپێکردووە، مەترسی شەڕێکی ناوچەیی بەرفراون لە ئارادایە.