ناحیەکا دهۆکێ چوو سەر ب ئیدارا سەربەخۆ یا زاخۆ

ئاڤا نیوز

 

ل دویڤ بڕیارەكا وەزارەتا ناڤخۆ، ناحیەیا باتێلێ کو ئێك ژ ناحیەیێن سەر ب كارگێڕیا پارێزگەها دهۆكێ ڤەیە، چوو سەر ب ئیدارا سەربەخۆیا زاخۆ.

 

وێنەیێ مەزن: ل دویڤ نڤیسارەكا فەرمی یا وەزارەتا ناڤخۆ، ب ڕازیبوونا سەرۆكێ حكومەتا هەرێما كوردستانێ، بڕیار هاتیەدان ب ڤەگوهاستنا ناحیەیا باتێلێ یا سەر ب قەزا سێمێلێ ڤە بۆ سەر ئیدارا سەربەخۆیا زاخۆ.

 

داخویانیا فەرمی: ئەیسەر جەرجیس، ڕێڤەبەرێ ناحیەیا باتێلێ بۆ ئاڤا نیوز ڕاگەهاند، دەمێ سەرۆكێ حكومەتا هەرێما كوردستانێ سەرەدانا قەزا سێمێلێ كری، خەلكێ باتێلێ بخۆ داخازا ڤێ ڤەگوهاستنا ئیدارای بۆ ناحیەیا خۆ کربوو.

 

ئەوا پێدڤیە بزانی: ناحیەیا باتێلێ هەڤسنوورا دهۆك و زاخۆ بوو، هەشت كۆمەلگەهـ و 64 گوند سەر ب باتێلێ ڤە هەنە، 25 گوند د ئاڤاكری نە و 39 گوند ژی هاتینە چۆلكرن.