ڕووسیا کوشتنی حەسەن نەسروڵڵا لەلایەن ئیسرائیل ئیدانە دەکات

ئاڤا نیوز

 

ڕووسیا بەهۆی کوشتنی حەسەن نەسروڵڵا، ئەمینداری گشتیی حیزبوڵڵای لوبنان بەتووندی ئیسرائیل ئیدانە دەکات و داوای ڕاگرتنی چالاکییە سەربازییەکانیش دژ بە حیزبوڵڵا دەکات. 
 

وێنە گەورەکە: وەزارەتی دەرەوەی ڕووسیا لە بەیاننامەیەکدا، ئیدانەی هێرشەکای ئیسرائیل بۆ سەر لوبنان دەکات، داوا دەکات دەستبەجێ چالاکییە سەربازییەکانی لەو وڵاتە ڕابگرێت.

 

ڕاگەیێنراوی فەرمی: وەزارەتی دەرەوەی ڕووسیا لە بەیاننامەیەکدا ڕایگەیاند، ئیدانەی دوایین هێرشی هێزەکانی سوپای ئیسرائیل بۆ سەر لوبنان دەکەین کە لە ئەنجامدا کوشتنی حەسەن نەسروڵڵا، ئەمینداری گشتیی حیزبوڵڵای لێکەوتەوە، هاوکات، "جارێکی دیکە بە پێداگرییەوە داوا لە ئیسرائیل دەکەین دەستبەجێ کاری سەربازی دژ بە لوبنان ڕابگرێت''. 

 

باکگراوند: چەند هەفتەیەکە ئیسرائیل هێرشی بەردەوام بۆ سەر لوبنان دەکات،  پێگەکانی حیزبوڵڵا بە چڕی بۆردومان دەکات و چەند سەرکردەیەکی ئەو حیزبەی کوشتووە، دیارترینیان حەسەن نەسروڵڵا، ئەمینداری گشتیی حیزبوڵڵا بوو کە نیگەرانی زۆرێک لە وڵاتانی جیهانی بەدوادا هات.