سەرکردەیەکی دیکەی باڵای حیزبوڵڵای لوبنان کوژرا

ئاڤا نیوز

 

هێزەکانی ئیسرائیل لە هێرشێکی ئاسمانیدا سەرکردەیەکی دیکەی باڵای حیزبوڵڵای لوبنان بە ناوی  حەسەن خەلیل یاسین دەکوژێت.

 

وێنە گەورەکە: زیاتر لە هەفتەیەکە ئیسرائیل دەستی بە هێرشی چڕ بۆ سەر حیزبوڵڵای لوبنان کردووە، تاوەکو ئێستاش زیاتر لە 15 بەرپرسی باڵای بزووتنەوەکە کوژراون، لەنێویاندا حەسەن نەسروڵڵا، ئەمینداری گشتی.

 

ڕاگەیێنراوی فەرمی: سوپای ئیسرائیل لە بەیاننامەیەکدا ڕایگەیاند: "دوای نیوەڕۆی ئەمڕۆ شەممە  توانیمان حەسەن خەلیل یاسین، بەرپرسێکی باڵای هەواڵگریی حیزبوڵڵا بکوژین". 

 

زانیاریی زیاتر: حەسەن یاسین، بەرپرسی بەشی ناسینەوەی ئامانجەکان بووە لە سنوور و قۆڵایی خاکی ئیسرائیل لە هەواڵگریی حیزبوڵڵای لوبناندا.