پریشکی ئاگری شەڕی لوبنان لە یەمەن و عێراقە

ئاڤا نیوز 

 

هێرشەکانی فڕۆکە ئاسمانییەکانی ئیسرائیل بۆ سەر حووسیەکان لە یەمەن دەستیپێکرد و ئاگری شەڕی لوبنان دەگاتە سووریا و  عێراقیش.

 

وێنە گەورەکە: ڕۆژی 28-9-2024 سوپای ئیسرائیل کوژرانی حەسەن نەسروڵڵا، ئەمینداری گشتیی حیزبوڵڵای لوبنانی لە هێرشێکی ئیسرائیل بۆسەر باڵەخانەیەک لە بەیرووت ڕاگەیاند، لەهەمان کاتدا ئیسرائیل هێرش بۆ سەر سووریا و یەمەنیش دەستپێدەکات.

 

لێدوانی فەرمی: دەیڤد ئەبراهام، گوتەبێژی سوپای ئیسرائیل ڕایگەیاند: لە وەڵامی هێرشەکانی حوسییەکاندا بۆسەر وڵاتەکەمان، لە ئۆپەراسیۆنێکی ئاسمانیدا فڕۆکە جەنگییەکانمان هێرشیان کردووەتە سەر بنکەی سەربازیی حوسییەکان لە راس عیسا و حودەیدە. 

 

گوتەبێژی سوپای ئیسرائیل باسی لەوەشکرد: فڕۆکە جەنگییەکانی ئیسرائیل وێستگەکانی کارەبا و بەندەرێکی دەریایی لە یەمەن کردووەتە ئامانج کە بۆ هاوردەکردنی نەوت بەکاردەهێنرێت

 

ئەوەی پێویستە بیزانیت: هاوکات ئیسرائیل هێرشی کردووتە سەر وادی حومس لەسەر سنووری سووریا و لوبنان، لە درێژەی هێرشەکانیشیدا چەند ناوچەیەکی لە دێرەزوور و ئەلبوکەمال لە نزیک سنووری عێراقی بە ئامانج گرتووە.