ئەمریکا سەربازی زیاتر ڕەوانەی ڕۆژهەڵاتی ناوەڕاست دەکات

ئاڤا نیوز 

 

وەزارەتی بەرگری ئەمریکا دوای کوژرانی سەرکردەی حیزبوڵڵا هێزی سەربازی زیاتر ڕەوانەی ڕۆژهەڵاتی ناوەڕاست دەکات.

 

وێنە گەورەکە: دوای کوژرانی حەسەن نەسروڵڵا سەرکردەی باڵای حیزبوڵڵای لوبنان و تێکچوونی ڕەوشی ئەمنی لوبنان و بەردەوامی هەڕەشەکانی حیزبوڵڵا، وەزارەتی بەرگری ئەمریکا ژمارەی سەربازەکانی لە ڕۆژهەڵاتی ناوەڕاست زیاد دەکات. 

 

ڕاگەیێنراوی فەرمی:  سابرینا سینگ وتەبێژی پێنتاگۆن ڕایگەیاند: ‌هێزی سەربازی زیاتر ڕەوانەی ناوچەکە دەکەین، بەشێوەیەک نزیک دەبێتەوە لە ناردنی 40 هەزار سەرباز بۆ یارمەتیدانی بەرگری و ئاسایشی ئیسرائیل.

 

زانیاریی زیاتر: لەگەڵ زیادکردنی هێزی زەمینی، ئەمریکا هێزی ئاسمانی وڵاتەکەشی لە ناوچەکە زیاتر دەکات و فڕۆکەی جۆری F22 ،F16 ،F15، ڕەوانە دەکات.

 

ئەمەش بزانە: پێنتاگۆن تاوەکو ئێستا ڕەتی دەکاتەوە ژمارەی سەربازانی لە ڕۆژهەڵاتی ناوەڕاست بە تەواوی ئاشکرا بکات.