نەوتی عێراق بەرزترین نرخ لە 37 ڕۆژی ڕابردوودا تۆمار دەکات

ئاڤا نیوز

 

لەگەڵ پەرەسەندنی گرژییەکانی ڕۆژهەڵاتی ناوەڕاست و لێدوانەکان سەبارەت بە ئەگەری بەئامانجگرتنی دامەزراوە نەوتییەکانی ناوچەکە، نرخی نەوتی عێراق دوای 37 ڕۆژ گەیشتەوە سەرووی 75 دۆلار.

 

ژمارەكان وادەڵێن: تێکڕای نەوتی خاوی بەسرە بۆ هەر بەرمیلێک گەیشتە 75.4 دۆلار، ئەمەش بەرزترین ئاستە کە لەدوای 30-8-2024 تۆمار کرابێت، ئەوکات پێش ئەوەی نرخەکەی هەڵبەز و دابەزین بەخۆیەوە ببینێت، نرخی بەرمیلێک نەوت گەیشتبووە 77.6 دۆلار. 

 

زانیاریی زیاتر: لە 1-10-2024، نرخی نەوتی خاوی بەسرە (مامناوەند) بە ڕێژەی 4.5% بەرزبووەتەوە. سەبارەت بە نەوتی خاوی قورسی بەسرەش، نرخەکەی گەیشتە 74.66 دۆلار بۆ هەر بەرمیلێک.

 

بۆچی گرنگە: نەوتی بەسرە كاریگەریی گەورەی لەسەر ئابووریی عێراق هەیە و بەهۆی کوالێتییە بەرزەکەی خواستی زۆری لەسەرە. لەلایەن وەزارەتی نەوتی عێراقیشەوە سەربەخۆ دەفرۆشرێت و تێكەڵ بە نەوتی دیكە ناكرێت، چونکە نرخەکەی جیاوازە.