ئیسرائیل ڕێگایەکی سەرەکی نێوان لوبنان و سووریا بۆردوومان دەکات

ئاڤا نیوز

ئیسرائیل لە هێرشێکدا ڕێگایەکی کردە ئامانج کە ڕۆژهەڵاتی لوبنان و ناوچەی حمس لە ناوەڕاستی سووریا دەبەستێتەوە.

 

ڕاگەیێنراوی فەرمی: ڕوانگەی سووریا بۆ مافەکانی مرۆڤ ڕایگەیاند: فڕۆکە جەنگییەکانی ئیسرائیل ڕێگایەکیان  لە نزیک حوش ئەلسەید عەلی لە سەر سنووری سووریا و لوبنان کردە ئامانج بەبێ ئەوەی هیچ زانیارییەک لەبارەی زیانی گیانی بڵاوبکرێتەوە.

 

لێدوانی فەرمی: ڕامی عەبدولڕەحمان، بەڕێوبەری ڕوانگەی سووریا بۆ مافەکانی مرۆڤ ڕایگەیاند: هێرشە ئاسمانییەکەی ئیسرائیل بۆ سەر ڕێگاکە بەشێکە لە هەوڵەکانی ئیسرائیل بۆ بڕینی ڕێگاکانی دابینکردنی پێداویستی بۆ حیزبوڵڵا.

 

زانیاریی زیاتر: هێرشەکانی ئیسرائیل بۆ سەر دەروازەی سەرەکی نێوان لوبنان و سووریا ڕێگری لە چوونی ئاوارەکان و چاڵاکییە مرۆییەکان دەکات و خەڵکی مەدەنی دەخاتە بەردەم مەترسی گەورە.