سەرۆکی نوێی مەکسیک: دەبێت دان بەدەوڵەتی فەڵەستین بنرێت

ئاڤا نیوز

 

کلۆودیا شینباوم، سەرۆکی نوێی مەکسیک داوا دەکات لە پێناو بەدیهێنانی ئاشتی لە ڕۆژهەڵاتی ناوەڕاست دان بە دەوڵەتی فەڵەستین بنرێت.

 

لێدوانی فەرمی: شینباوم، سەرۆکی نوێی مەسکیک لە یەکەم لێدوانیدا سەبارەت بەم بابەتە لە دوای دەستبەکاربوونی لە سەرەتای مانگی  ئۆکتۆبەر گوتی: دەبێت وەک دەوڵەتی ئیسرائیل دان بە دەوڵەتی سەربەخۆی فەڵەستیندا بنرێت.

 

ئەوەی پێویستە بیزانیت: سەرۆکی نوێی مەکسیک، چەپە و بەڕەچەڵەک جووە و ئەوروپیە، بەڵام ڕایگەیاندووە کە ئێستا پەیڕەوی هیچ ئایینێک ناکات، هەروەها لە مانگی یەکی ساڵی 2009 بەئاشکرا ڕەخنەی لە ئۆپەراسیۆنێکی ئیسرائیل لە کەرتی غەززە گرت.

 

ئەمەش بزانە: حکومەتی پێشووی مەکسیک بە سەرۆکایەتی ئەندرێس مانوێل، هێرشی بزووتنەوەی حەماسی لە ئیسرائیل لە 7ـی ئۆکتۆبەری 2023 و دواتر بۆردوومانی ئیسرائیل بۆ سەر کەرتی غەززە سەرکۆنە کرد.

 

زانیاریی زیاتر: کلۆدیا شینباوم، یەکی ئۆکتۆبەری ئەمساڵ وەک سەرۆکی نوێی مەکسیک و یەکەم سەرۆکی ئافرەت لەو وڵاتە سوێندی یاسایی خوارد.