بەرەی مقاوەمەی عێراق سەربازگەیەک لە ئیسرائیل دەکاتە ئامانج

ئاڤا نیوز

 

گرووپە چەکدارەکانی بەرەی مقاوەمەی عێراق بەردەوامن لە هێرشکردنە سەر پێگەی سەربازانی ئیسرائیل لە جۆڵان.

 

وێنە گەورەکە: بەرەی مقاوەمەی عێراق لە سەرەتایی دەستپێکردنی جەنگی غەززە و لوبنانەوە، نزیکەی 200 جار هێرشیان کردووەتە سەر ئیسرائیل بە ئامانجی پاڵپشتیکردن لە فەڵەستین و لوبنان.

 

ڕاگەیێنراوی فەرمی: بەرەی مقاوەمەی ئیسلامی لە عێراق لە ڕاگەیێنراوێکدا ڕایگەیاند: "ئەمڕۆ بە درۆن پێگەیەکی سەربازی ئیسرائیلمان لە جۆلانی داگیرکراو کردە ئامانج و ئۆپەراسیۆنەکانمان بەردەوام دەبن".

 

ئەوەی پێویستە بیزانیت: ڕۆژی شەممە بەرەی مقاوەمە لە ڕێگەی درۆنەوە سێ جار هێرشی کردووەتە سەر جۆڵان، هاوکات دوو هێرشی دیکەی کردووەتەوە سەر ناوچەی ئیلیات لە باشووری ئیسرائیل.