وەزیری دەرەوەی ئێران:  بۆ شەڕ و بۆ ڕێككەوتنیش ئامادەین

ئاڤا نیوز

 

عەباس عێراقچی، وەزیری دەرەوەی ئێران، 13-10-2024 سەردانی عێراقی کرد و لەگەڵ گەورە بەرپرسانی عێراق كۆبووەوە، دواتر لەگەڵ هاوتا عێراقییەکەی کۆنگرەییەکی ڕۆژنامەوانی ئەنجامدا.

 

وێنە گەورەکە: عەباس عێراقچی، وەزیری دەرەوەی ئێران لە بەغدا، لە کۆنگرەیەکی ڕۆژنامەوانیدا لەگەڵ هاوتا عێراقییەکەی د، فوئاد حوسێن، لەبارەی پەرەسەندنی گرژییەکانیان لەگەڵ ئیسرائیل باسی لە ڕۆڵی ئێران کرد و جەختی لەوە کردەوە کە "ئێران بەدوای شەڕ و پێكدادن و ئاڵۆزیەوە نییە، بۆ هەموو شتێك ئامادەن، بۆ شەڕ ئامادەن و بۆ ڕێككەوتنیش ئامادەن. 

 

لێدوانی فەرمی: عەباس عێراقچی، وەزیری دەرەوەی ئێران لە میانەی کۆنگرەیەکی ڕۆژنامەوانی لە بەغدا، ڕایگەیاند: " ناوچەکە لە بەردەم ئاڵۆزییەکی گەورە دایە و ڕیشەی هەموو ئەم ئاڵۆزیانەی لە ناوچەکەدا هەن بەهۆی ڕژێمی زایۆنی ئیسرائیلە، ئێمە بەدوای شەڕەوە نیین و بەدوای ڕێككەوتنەوەین".

 

لەلایەکی دیکەوە: فوئاد حوسێن وەزیری دەرەوەی عێراق لە کۆنگرە ڕۆژنامەوانییەکەدا ڕایگەیاند: "عێراق لە دژی پەرەسەندنی شەڕی ناوخۆیە".