نەتانیاهۆ بۆ نەتەوە یەكگرتووەكان: هێزەكانی ئاشتی پارێز بكشێنەرەوە

ئاڤا نیوز

 

 سەرۆكوەزیرانی ئیسرائیل داوادەكات نەتەوە یەكگرتووەكان هێزەكانی ئاشتی پارێز لە باشووری لوبنان دووربخاتەوە.

 

وێنە گەورەكە: شەڕ لە باشووری لوبنان بەردەوامە، بۆ ئەوەی پێكدادان لە نێوان هێزەكانی سوپای ئیسرائیل و هێزەكانی ئاشتی پارێزدا دروست نەبێت، حكومەتی ئیسرائیل داوادەكات ئەو هێزانەی جێگیركراون لە ناوچەكە بكشێنرێنەوە بۆ ئەوەی زیانیان بەرنەكەوێت.

 

لێدوانی فەرمی: بنیامین نەتانیاهۆ، سەرۆكوەزیرانی ئیسرائیل ڕایگەیاند:” هێزە ئاشتی پارێزەكان لە مەترسیدان و داوا لە نەتەوەیەكگرتووەكان دەكەم ئەم هێزانە دووربخاتەوە كە ئێستا لە ناوچەكەدان.

 

زانیاریی زیاتر: لە چەند ڕۆژی ڕابردوودا لانیکەم پێنج سەربازی ئاشتی پارێزی نەتەوە یەکگرتووەکان لە شەڕی هێزەکانی ئیسرائیل لە باشووری لوبنان دژی حزبوڵڵای لوبنان بریندار بوون.

 

ئەمەش بزانە: زیاتر لە 10 هەزار هێزی ئاشتی پارێز كە لە پەنجا وڵات پێكهاتوون  لە لوبنانن، هەریەكە لە ئەندەنوسیا و ئیتاڵیا و هندستان وماڵیزیا و چەند وڵاتێكی دیكە لە چوار چێوەی هێزی ئاشتی پارێزدا لە ژێر چاودێری نەتەوەیەكگرتووەكان لە لوبنان جێگیركراون.