سەرۆکی کۆمیسیۆن: لەم هەڵبژاردنەدا بەهیچ شێوەیەک ساختەکاری ناکرێت

ئاڤا نیوز

 

سەرۆکی کۆمیسیۆنی باڵای هەڵبژاردنەکانی عێراق لە سنووری پارێزگای هەولێر سەردانی ناوەندێکی دەنگدانی کرد، سەرۆکی کۆمیسیۆن لەکاتی سەردانەکەیدا بە میدیاکانی ڕاگەیاند، بەهیچ شێوەیەک ساختەکاری لەم هەڵبژاردنە "مومکین" نییە.

 

وێنە گەورەکە: بەرەبەیانی ئەمڕۆ 2024/10/18  کاتژمێر 7:00 بەکاتی هەولێر  پرۆسەی دەنگدانی تایبەت بۆ خولی شەشەمی پەرلەمانی کوردستان لە 11 پارێزگای عێراق، بە بەشداری 215 هەزار و 960 دەنگدەری تایبەت دەستیپێکرد کە لە 165 ناوەندی دەنگدان و 749 وێستگە دەنگ دەدەن.

 

لێدوانی فەرمی: عومەر ئەحمەد، سەرۆکی کۆمیسیۆنی باڵای سەربەخۆی هەڵبژاردنەکانی عێراق لە کۆنگرەیەکی ڕۆژنامەوانیدا ڕایگەیاند، "لەم هەڵبژاردنەدا ساختەکاریکردن مومکین نییە."

 

لەلایەکی دیکەوە: سەبارەت بە دەرکردنی نوێنەری لایەن سیاسییەکان و بردنەژوورەوەی مۆبایل بۆ نێو بنکەکانی دەنگدان، سەرۆکی کۆمیسیۆن ئاماژەی بەوەدا، "ئەو هەواڵەی لەبارەی بردنە ژوورەوەی مۆبایل لە بنکەی هەڵەبجە بڵاوبووەتەوە ڕاست نییە، چاودێرێک ویستوویەتی مۆبایل بباتە ژوورەوە ڕێگری لێکراوە."