سوپای ئیسرائیل: لە یەک ڕۆژدا 115 موشەک لە لوبنانەوە ئاراستەی ئیسرائیل کراون

ئاڤا نیوز

 

بەگوێرەی میدیاکانی ئیسرائیل، تەنیا ئەمڕۆ شەممە زیاتر لە 115 مووشەک لە لوبنانەوە ئاڕاستەی ئیسرائیل کراون.

 

لێدوانی فەرمی: سوپای ئیسرائیل ڕایگەیاند، ڕۆژی شەممە نزیکەی 115 موشەک لە لوبنانەوە ئاڕاستەی ئیسرائیل کراون و چەند ناوچەیەکییان کردووەتە ئامانج.

 

زانیاریی زیاتر: مووشەکەکان بە گشتیی ئاراستەی باکووری ئیسرائیل کراون و زەنگی ئاگادارکەرەوە لە سەرانسەری ناوچەکەدا لێدراوە.

 

لەلایەکی دیکەوە: نووسینگەی تایبەتی بنیامین نەتەنیاهۆ، سەرۆکوەزیرانی ئیسرائیل بڵاویکردەوە، بەرەبەیانی ئەمڕۆ، ماڵەکەی نەتانیاهۆ لە ناوچەی قەیسەرییە 'کەیساریا' بە درۆنێک کە لە لوبنانەوە ئاراستە کرابوو، کرایە ئامانج.

 

ئەمەش بزانە: بنیامین نەتانیاهۆ و سارای خێزانی لەکاتی هێرشە درۆنییەکەدا لە ماڵ نەبوون، هاوکات هێرشەکە زیانی گیانی لێنەکەوتووەتەوە.