وردەکاریی دەنگدانی تایبەت؛ 12 کورسی یەکلابوونەوە

ئاڤا نیوز

ئاڤا نیوز نوێترین ئەنجامی دەنگدانی تایبەتی دەستکەوتووە،  بەپێی ئەنجامە و بەراود بە دوایین هەڵبژاردن لە هەرێمی کوردستان بۆ زانینی بەهای کورسی، پارتی زیاتر لە شەش کورسی، یەکێتی نزیکەی پێنج کورسی و نەوەی نوێ کورسییەکی مسۆگەر کردووە.

چیرۆکی سەرەکی: ڕۆژی هەینی 18-10-2024، دەنگدانی تایبەت بۆ هەڵبژاردنی خولی شەشەمی پەرلەمانی کوردستان لە 165 بنکەی دەنگدان بەڕێوەچوو، 215 هەزار و 960 کەس مافی دەنگدنیان هەبوو، پرۆسەکە کاتژمێر حەوتی بەیانی دەستیپێکرد و 749 وێستگە بەڕووی دەنگدەران کرانەوە.


زانیاریی زیاتر: لەگەڵ دەستپێکردنی دەنگدانی تایبەت سەرجەم بنکەکانی دەنگدان بەڕووی دەنگدەران کرانەوە و بە کۆی گشتی ڕێژەی بەشداریکردن 97% بوو.

ئەمەش بزانە: لە پارێزگای هەولیر 33 تیمی ناوخۆیی چاودێری پرۆسەکەیان دەکرد، دوو هەزار و 538 چاودێریان لە بنکەکانی دانگدان هەبوو، 58 دەزگای میدیایی و 517 ڕاگەیاندنکار ڕووماڵی پرۆسەکەیان کرد، لە سەرجەم بنکەکانیش چاودێری کیانی سیاسی چاودێری دەنگدانی تایبەتیان دەکرد.

 

ئەوەی پێویستە بیزانیت: ئاڤا نیوز ئەنجامی دەنگدانی تایبەتی دەستکەوتووە، بەپێی ئەنجامەکە بە کۆی گشتی پارتی 86 هەزار و 210 دەنگ زیاتر لە شەش کورسی، یەکێتی 49 هەزار و 684 دەنگ نزیکەی پێنج کورسی، نەوەی نوێ 10 هەزار و 913 دەنگ، واتە کورسییەکی هێناوە.