لە هەولێر بەردی بناغەی پڕۆژەیەکی نیشتەجێبوون بۆ کەمدەرامەتان دادەنرێت

ئاڤا نیوز

 

لە ژێر چاودێری سەرۆکوەزیران مەسرور بارزانی بەردی بناغەی پرۆژەی ( BCF CITY) بۆ خەڵکی هەژار و کەمدەرامەت لە قوشتەپە داندرا.

 

وێنە گەورەکە: ئەمڕۆ شەممە بە ئامادەبوونی وەزیری شارەوانی و گەشتوگوزار، پارێزگاری هەولێر و سەرۆکی دەزگای خێرخوازی بارزانی، بەردی بناغەی پڕۆژەیەکی نیشتەجێبوون بۆ خەڵکی هەژار و کەمدەرامەت لە قەزای قوشتەپە لە سنووری پارێزگای هەولێر دانرا.

 

لێدوانی فەرمی: ساسان عەونی، وەزیری شارەوانی و گەشتوگوزار، ڕایگەیاند: زەوی ئەم پرۆژەیە لەلایەن شارەوانی قوشتەپەوە دابینکراوە کە 35 هەزار مەتر دووجایە و لە چوارچێوەی پڕۆژە بەردەوامەكانی حكومەتی هەرێمی كوردستانە ۆ خەڵكانی هەژار و كەمدەرامەت کە بە هەماهەنگی لەگەڵ دەزگای خێرخوازیی بارزانی نەمر و قایمەقامیەتی قوشتەپە و وەبەرهێنەرانی ناوخۆیی جێبەجێ دەكرێت.

 

ئەوەی پێویستە بیزانیت: پڕۆژەکە 180 خانووی لەسەر دروستدەکرێت و دەبێتە یەکێک لە گەڕەکە نموونەیەکانی قەزای قوشتەپە.