بۆرێل: کوژرانی سینوار دیدێکی نوێ بۆ ئاگربەست دەکاتەوە

ئاڤا نیوز

جۆزیپ بۆرێل، جێگری سەرۆکی کۆمیسیۆنی ئەوروپا، لە لووتکەی گرووپی حەوت بۆ تاوتوێکردنی ڕووداوەکانی ڕۆژهەڵاتی ناوەڕاست لەگەڵ وەزیرانی بەرگریی وڵاتان کۆبووەوە. 

 

لێدوانی فەرمی: جۆزیپ بۆریل، جێگری سەرۆکی کۆمیسیۆنی ئەوروپا ڕایگەیاند، کوشتنی یەحیا سینوار ڕوانگەیەکی نوێ بۆ ئاگربەستی غەززە دەکاتەوە کە پێویستە بەکاربهێنین بۆ گەیشتن بە ئاگربەست و ئازادکردنی بارمەتەکان.

 

لەلایەکی دیکەوە: سەبارەت بە هێزی کاتی ئاشتیپارێزی نەتەوە یەکگرتووەکان "یونیفیل" لە باشووری لوبنان کە ڕووبەڕووی هێرشەکانی ئیسرائیل بوونەتەوە، بۆرێل داوای کرد، پێویستە هێزی ئاشتیپارێز لە باشووری لوبنان بەهێزتر بکرێن.

 

باکگراوند: یەحیا سینوار، بەرپرسی بزوتنەوەی حەماس بوو لە کەرتی غەززە، لە 17-10-2024 لەلایەن هێزەکانی ئیسرائیلەوە لە شاری ڕەفەح کوژرا.