تەنیا 10%ی ئەوروپییەكان پێیانوایە ئۆكراینا دەتوانێت ڕووسیا ببەزێنێت

ئاڤا نیوز

لە کاتێکدا وڵاتانی یەکێتیی ئەوروپا پاڵپشتیی تەواوی ئۆکراینا دەکەن، خەڵکی ئەو وڵاتانە پێیانوایە ئۆکراینا ناتوانێت لە شەڕی بەرامبەر ڕووسیادا سەرکەوتوو بێت.

وێنە گەورەکە: بە گوێرەی ڕاپرسییەک، کە لە سەر ئاستی وڵاتانی یەکێتیی ئەوروپا کراوە و دانیشتووانی 12 دەوڵەت تیایدا بەشدار بوون، تەنیا 10%ـی دانیشتووانی ئەوروپا لەو باوەڕەدان کە ئۆکراینا دەتوانێت ڕووسیا ببەزێنێت. 20%ـی بەشداربووانی ڕاپرسییەکەش لەو باوەڕەدان کە ڕووسیا شەڕەکە دەباتەوە. 

لەلایەکی دیکەوە: بەشی زۆر بەشداربووان لەو باوەڕەدان کە پێویستە هانی ئۆکراینا بدرێت بە چارەسەری ئاشتیانە ڕازی بێت.

ئەوەی پێویستە بیزانیت: ئەنجامدانی ڕاپرسییەکە هاوکاتە لەگەڵ دووەمین ساڵیادی هێرشی ڕووسیا بۆ سەر ئۆکراینا و دەستپێکی شەڕی نێوانیان.