سعودیە هێرشی ئیسرائیل بۆ سەر ئێران سەرکۆنە دەکات

ئاڤا نیوز

 

سعودیە هێرشی ئیسرائیل بۆ سەر ئێران سەرکۆنە دەکات و بە پێشێلکردنی سەروەریی وڵاتەکە و یاسا و پێوەرە نێودەوڵەتییەکانی دەزانێت.

 

وێنە گەورەکە: بەرەبەیانی ئەمڕۆ شەممە 2024/10/26 ئیسرائیل بە دوو قۆناغ هێرشی ئاسمانی کردە سەر چەند بنکەیەکی سەربازیی ئێران لە پارێزگاکانی تاران و ئیلام و خۆزستان، وەک وەڵامێک بۆ هێرشە مووشەکییەکەی تاران بۆ سەر ئیسرائیل لە مانگی ڕابردوودا. 

 

ڕاگەیێنراوی فەرمی: وەزارەتی دەرەوەی سعودیە لە ڕاگەیێنراوێکدا سەرکۆنەی هێرشەکەی ئیسرائیلی کرد و بە "پێشێلکردنی سەروەری وڵاتەکە و پێشێلکردنی یاسا و پێوەرە نێودەوڵەتییەکانی" زانی.

 

زانیاریی زیاتر: بەپێی ڕاگەیێنراوەکە شانشینی سعودیە هەڵوێستی پتەوی خۆی لە ڕەتکردنەوەی بەردەوامی پەرەسەندنی ناوچەکە و فراوانبوونی ئەو ململانێیەی کە هەڕەشە لە ئاسایش و سەقامگیریی وڵاتان و گەلانی ناوچەکە دەکات، دووپات دەکاتەوە.