نەوتی سپی لە گەرمیان دابەشدەکرێت

ئاڤا نیوز

 

بڕیارە ئەمڕۆ شەممە 26-10-2024 نەوتی سپی لە قەزای کفری و ناحیەی رزگاری بەسەر هاووڵاتیان دابەشبکرێت.

 

ڕاگەیێنراوی فەرمی: بەڕێوەبەرایەتی نەوت و کانزاکانی گەرمیان ڕایگەیاند: ئەمڕۆ شەممە لە وێستگەی میر لە قەزای کفری و لە وێستگەی ئاسۆ لە ناحیەی رزگاری نەوتی سپی بەسەر هاونیشتمانیاندا دابەشدەکرێت.

 

زانیاریی زیاتر: هەر خێزانێک بڕی 200 لیتر نەوتی بە نرخی 104 هەزار دینار پێدەدرێت.

 

ئەوەی پێویستە بیزانیت: هەر هاونیشتمانییەک فۆڕمی خۆراکی قەزای کفری و ناحیەی رزگاری بێت، دەتوانێت سەردانی وێستگەی ناوبراو بکات بۆ وەرگرتنی بەشە نەوتەکەی.