هەندێک نیشانەی ڕووخسار ئاماژەن بۆ کێشەی تەندروستی

ئاڤا نیوز

 

شارەزایان هۆشداریی دەدەن کە هەندێک نیشانەی سەر ڕووخسار ئاماژەن بۆ بوونی کێشەی تەندروستی لە مرۆڤدا.

 

لێدوانی فەرمی: دکتۆر ئێریک بێرگ، شارەزای بواری تەندرستی جەستە و ریجێم و کیتۆ ڕایگەیاند: "هەندێک نیشانەی ڕووخسار کێشەی تەندروستی لە ناوەوەی لەش دیاری دەکەن و نابێت پشتگوێیان بخەین".

 

نیشانەکانی ڕووخسار کە ئاماژەن بۆ کێشەی تەندروستی ئەمانەن: 

شێوەی دەموچاو: ئەستووربوونی ڕووخسار ئاماژەیە بۆ زیادەڕۆیی لە خواردنی شەکر و کاربۆهیدرات.

 

چاو: چاوی سوور دەکرێت نیشانەی کێشەی جگەر یان کەمخەوی بێت.

 

ژێر چاو: هەڵئاوسانی ژێر چاو لەوانەیە ئاماژە بێت بۆ کەمبوونی  شلە لە گورچیلەدا.

 

شێوەی چەناگە: ئەو چەورییەی لەژێر چەناگەدا کۆدەبێتەوە لەوانیە نیشانە بێت بۆ وەستانی هەناسەدان لەکاتی خەودا.

 

پێکهاتەی پێست: پێستی چەور لەوانەیە ئاماژە بێت بۆ کەمی زینک یان بەرزبوونەوەی ئاستی ئەندرۆجین بەهۆی شەکر.

 

پێستی وشک: لەوانەیە نیشانەی کێشەی جگەر و زیادبوونی ترشە چەوری ئۆمیگا 6 بێت.

 

زیپکە: دەکرێت ئاماژە بێت بۆ بەرزبوونەوەی ئەندرۆجین کە لە ئەنجامی بەرزی ئاستی ئەنسۆلین دروست دەبێت.

ئەوەش بزانە: ئەگەر هەستت بە هەریەکێک لەم گۆڕانکاریانە کرد لە ڕووخسارتدا، پێویستە ڕاوێژ بە پزیشک بکەیت.