هەڵمەتی کوتانی ئیفلیجی منداڵان لە پاکستان دەستپێدەکات

ئاڤا نیوز

 

بەهۆی بەرزبوونەوەی ڕیژەی تووشبوون بە ئیفلیجی لەناو منداڵان، پاکستان هەڵمەتی کوتانی ئیفلیجی دەستپێدەکات.

 

ڕاگەیێنراوی فەرمی: عائیشە ڕەزا فاروق، ڕاوێژکاری سەرۆکوەزیرانی پاکستان ڕایگەیاند: ئەم پرۆسەیە سێیەم جارە لەم ساڵەدا ئەنجام دەدرێت و مەبەست لێی بنبڕکردنی ئیفلجی منداڵانە، دوای ئەوەی ڕێژەی تووشبوون لە بەرزبوونەوە دایە.

 

زانیاریی بەدەستهاتوو: هەڵمەتی کوتانی ئەمجارەی پەکستان بۆ 45  ملیۆن منداڵە و منداڵانی خوار تەمەن پێنج ساڵ دەکوترێن بە مەبەستی بەرزکردنەوەی بەرگری جەستەیان.

 

بۆچی گرنگە: ئەم هەڵمەتە لە کاتێکدایە تەنها لەمساڵدا 41  تووشبوو بە ئیفلیجی تۆمارکراون، لە 71 ناوچە و شاری جیاوازدا. 

 

کاریگەریی و لێکەوتەکان: لە مانگی 9 ئەمساڵەوە دەسەڵاتدارانی تاڵیبان هەڵمەتی کوتانی ئیفلیجیان لە ئەفغانستان ڕاگرتووە و بەمەش ڕێژەی تووشبوون بە ئیفلیجی لەناو منداڵان ڕوو لە بەرزبوونەوەیە، بە جۆرێک کاریگەرییەکانی لە دەرەوەی سنووری ئەو وڵاتەش دەرکەوتووە، تاوەکو 18 کەیسی تووشبوون بەو نەخۆشییە لەلایەن ڕێکخراوی تەندروستی جیهانی پشتڕاستکراوەتەوە.