پلاستیک هەڕەشە لە ژینگەی جیهان دەکات

ئاڤا نیوز

پاشماوەی پلاستیک لە جیهاندا بەشێوەیەکی بەرچاو بەرزبووەتەوە و هەڕەشە لە ژینگەی جیهان دەکات.

وێنە گەورەکە: زۆربوونی پاشماوەکانی ماددەی پلاستیک لە جیهان و درەنگ شیبوونەوەی، کاریگەری نەرێنی دەکاتە سەر سروشت و تەندروستیی مرۆڤ.

لێدوانی فەرمی: نیکۆلا سیمپسۆن، بەرپرسی تاقیگەی خێراکەری ئابووری شین لە بەرنامەی گەشەپێدانی نەتەوەیەکگرتووەکان دەڵێت: "تاوەکو ناوەڕاستی ئەم سەدەیە پلاستیک زیاتر دەبێت لە ماسی زەریاکان".

ئەوەی پێویستە بیزانیت: ساڵانە زیاتر لە 430 ملیۆن تۆن پلاستیک بەرهەم دەهێنرێت، لەو بڕە 11 ملیۆن تۆن پاشماوەی  پلاستیک دەچێتە ناو زەریاکانەوە.

زانیاریی زیاتر: پلاستیک لەناو ناچێت و تەنیا شیدەبێتەوە، بۆ ئەم پرۆسەیەش  هەر پارچەیەک پلاستیک 300  ساڵی پێویستە.