ئێران بەهۆی گرژییەکانی لەگەڵ ئیسرائیل بودجەی سەربازی 200% بەرز دەکاتەوە

ئاڤا نیوز

پەرلەمانی ئێران ڕەشنووسی بودجەی دارایی بۆ ساڵی 2025 پەسەند کرد و بودجەی بەرگری بە ڕێژەی 200% بەرزکردەوە.

وێنە گەورەکە: ڕۆژی 29-10-2024، پەرلەمانی ئێران دانیشتنێکی بۆ تاوتوێکردنی ڕەشنووسی بودجەی ساڵی داهاتوو سازکرد، بەهۆی زیادبوونی گرژییەکانی لەگەل ئیسرائیل بڕیاری زیادکردنی بودجەی سەربازی دا.

لێدوانی فەرمی: مەسعود پزیشکیان، سەرۆککۆماری ئێران ڕایگەیاند: حکومەتەکەی ''لە ڕەشنووسی بودجەدا سەرنجی لەسەر گەشەپێدان، دامەزراندن و دادپەروەری بووە''.

لەلایەکی دیکەوە: فاتیمە موهاجرانی، وتەبێژی حکومەتی ئێران ڕایگەیاند: ''بەرزکردنەوەی خەرجییەکان بۆ دامەزراوە سەربازییەکان پەیوەندی بە گرژی لەگەڵ ئیسرائیلەوە هەیە."

ئەمەش بزانە: بودجەی ساڵی داهاتووی ئێران بە پێنج هەزار و 987 تریلۆن تومەن مەزەندە دەکرێت و بەشێکی زۆریشی بۆ  بواری سەربازی و سوپای پاسداران تەرخان دەکرێت.