حکومەت سێ بڕیار لەبارەی تۆمارکردنی خانووبەرە دەردەکات

ئاڤا نیوز

 

لەسەر ڕاسپارەی سەرۆکوەزیران مەسرور بارزانی، بڕیاری کەمکردنەوەی تۆمارکردنی خانووبەرە جێبەجێ دەکرێت.

نووسراوی فەرمی: بەگوێرەی نووسراوێک کە لە دیوانی ئەنجوومەنی وەزیرانی هەرێمی کوردستان دەرچووە و ڕێککەوتی  27-10-2024 و واژۆی د.ئومێد سەباح، سەرۆکی دیوانی ئەنجوومەنی وەزیرانی لەسەرە، بەمەبەستی کەمکردنەوەی بارگرانی لەسەر هاووڵاتیان لەکاتی تۆمارکردنی خانووبەرە ئەم بڕیارانە دراون:-

یەکەم: بەگوێرەی ماددەی 37ی ڕسوماتی پوول ژمارە 71ی ساڵی 2012، ڕێژەی 1% لە خەمڵاندنی موڵک وەردەگیرێت و ڕسوماتی پوولی تەنیا هەزار دینار دەبێت.

دووەم: ڕسوماتی تۆمارکردنی موڵک بە ڕێژەی 2% وەردەگیرێت بەگوێرەی ماددەی 48 لە یاسای ڕسوماتە دادییەکان ژمارە 114ی ساڵی 1981، بەشێوەیەک هەژمار دەکرێت 2%ی ڕسومات وەربگیرێت لە 50%ی خەمڵاندنی موڵک.

سێیەم:  بەگوێرەی هەردوو خاڵی یەک و دوو پێویستی ڕسوماتی تۆمارکردنی موڵک کە 3% وەردەگیرێت، دادەبەزێنرێت بۆ ڕێژەی 1% لە خەمڵاندنی موڵک.

 

باکگراوند: هەر ئەمساڵ لەسەر فەرمانی سەرۆکوەزیران بارزانی، لەپێناو خزمەتی گشتی بڕیار درا ھەر کەسێک لە باجی خانووبەرە قەرزاری حکومەت بێت و قەرزەکەی بگەڕێنێتەوە، ھیچ زیادەیەکی لێ وەرناگیرێت.