فەرمانی بەگرێبەستکردنی ژمارەیەک مامۆستای زانکۆی سەڵاحەددین دەرچوو

ئاڤا نیوز

 

زانکۆکانی کوردستان هەنگاوەکانی بە گرێبەستکردنی وانەبێژانییان دەستپێکردووە، زانکۆی سەڵاحەددین وادەیەک بۆ ئەنجامدانی ڕێکارەکان دیاری دەکات. 

 

وێنە گەورەکە: بە فەرمانی سەرۆکوەزیران مەسرور بارزانی، مامۆستایانی وانەبێژی خوێندنی باڵا گرێبەستیان بۆ کرا، بڕیارە چوار هەزار و 104 مامۆستای وانەبێژ لە زانکۆ و پەیمانگە حکومییەکانی هەرێمی کوردستان دەگرێتەوە.

 
لێدوانی فەرمی: سامان عەبدوڵڵا، بەڕێوەبەری ڕاگەیاندنی زانکۆی سەلاحەدین بە ئاڤا نیوزی ڕاگەیاند: پێویستە مامۆستایانی وانەبێژ رۆژی یەکشەممە 03-11-2024، سەردانی کۆلێژەکانیان و دواتر سەردانی سەرۆکایەتیی زانکۆ بکەن بۆ ئەنجامدانی ڕێکارەکانی بەگرێبەست بوونیان و فەرمانی دەستبەکاربوونییان پێ بدرێت.

 

زانیاریی زیاتر: دوای تەواوکردنی ڕێکارەکان مووچەی گرێبەستییان بۆ خەرج دەکرێت.

 

لەلایەکی دیکەوە:  ئەمڕۆ وەزارەتی خوێندنی باڵا و توێژینەوەی زانستی، بە مەبەستی بەگرێبەستکردنیان، ناوی سەرجەم وانەبێژانی زانکۆکانی کوردستانی ئاراستەی ئەنجوومەنی وەزیران کرد.