لە هێرشێکی ئیسرائیل بۆ سەر نەخۆشخانەیەک لە غەززە 46 کوژران

ئاڤا نیوز

 

هێرشەکانی ئیسرائیل بۆ سەر کەرتی غەززە بەردەوامن و لە هێرشێکدا بۆ سەر نەخۆشخانەی 'کەمال عەدوان' لە 'بەیت لاهیا' لانیکەم 46 کەس کوژران و دەیانی دیکەش بریندار بوون.

 

زانیاریی بەدەستهاتوو: لە هێرشەکەدا کۆگای دەرمانی نەخۆشخانەکەی کردووەتە ئامانج و بە تەواویی لەناوی بردووە، بەم هۆیەشەوە نەخۆشخانەکە ناتوانیت خزمەتگوزاریی پزیشیکیی پێویست پێشکەش بە نەخۆشەکان بکات.

 

لەلایەکی دیکەوە: سوپای ئیسرائیل هێرشی کردووەتە سەر کەمپی ئاوارەکانی نوسەیرات و بە هۆیەوە لانیکەم 16 کەس کوژراون. لە ناو کوژراوەکاندا دوو ڕۆژنامەنووس و کارمەندێکی پزیشکیی هەن.