پارێزگاری هەولێر: تا ئێستا هیچ بڕیارێک نییە سبەی بکرێتە پشوو

ئاڤا نیوز

پێشبینییەکان لەبارەی کەشوهەوا دەڵێن سبەی یەکشەممە بارانبارین چڕ دەبێتەوە،  حکومەت و بەرگریی شارستانی لەبارەی ئەگەری دروستبوونی لافاو هۆشداری دەدەن، پارێزگاری هەولێریش دەڵێت تاوەکو ئێستا هیچ بڕیارێک نییە پشوو ڕابگەیێنرێت.

وێنە گەورەکە:  شەپۆلێکی بارانبارین هەرێمی کوردستانی گرتووەتەوە و بەپێی پێشبینییەکان تاوەکو ناوەڕاستی ئەم هەفتەیە بەردەوام دەبێت، سبەی یەکشەممە شەپۆلەکە چڕ دەبێتەوە و مەتەرسی کۆبوونەوەی ئاو و دروستبوونی لافاو هەیە، لە سەرجەم ناوچەکانیش تیمیەکانی بەرگریی شارستانی خراونەتە ئامادەباشییەوە.

چیرۆکی سەرەکی: ساڵانە لەکاتی کەشوهەوای نالەبار پشوو ڕاگەیێنراوە، حکومەت دەسەڵاتی بە پارێزگا و ئیدارە سەربەخۆکان داوە خۆیان سەرپش بن لە ڕاگەیاندنی پشوو و بەپێی دۆخەکە بڕیار بدەن.

لێدوانی فەرمی: ئومێد خۆشناو، پارێزگاری هەولێر  بە ئاڤا نیوزی گوت:  جارێ هیچ بڕیارێک نەدراوە سبەی بکرێتە پشوو، لەگەڵ دامودەزگا پەیوەندیدارەکانی حکومەت لەسەر خەتین و هەڵسەنگاندن بۆ دەخەکە دەکەین، ئەگەر پێویست بوو دەیکەنە پشوو، ئەگەرنا دەوام ئاسایی دەبێت".