یونسێف: لە ماوەی دوو ڕۆژدا زیاتر لە 50 منداڵ لە جەبەلیا کوژراون

ئاڤا نیوز

 

بەهۆی بەردەوامی بۆردوومانەکانی ئیسرائیل بۆ سەر باکووری کەرتی غەززە، لە ماوەی دوو ڕۆژدا زیاتر لە 50 منداڵ لە جەبالیا کوژراون.

ڕاگەیێنراوی فەرمی: کاترین ڕوسیل، بەڕێوەبەری جێبەجێکاری ڕێکخراوی منداڵان لە نەتەوەیەکگرتووەکان ڕایگەیاند: کەرتی غەززە هەفتەی ڕابردوو شایەتی خوێناویترین هێرش بوو و تەنیا لە ماوەی دوو ڕۆژدا 50 منداڵ کوژراون.

 

لەلایەکی دیکەوە: ئەو بەرپرسە داوای کۆتاییهێنان بە هێرشەکانی ئیسرائیلی بۆ سەر کەرتی غەززە بەتایبەتی بۆ سەر خەڵکی سڤیل و کارمەندانی ڕێکخراوە مرۆییەکان، کرد.

 

ئەوەش بزانە: بەهۆی بارودۆخی خراپی کەرتی تەندروستی لە کەرتی غەززە ڕێکخراوەکانی مافی مرۆڤ هۆشداری لە بڵاوبوونەوەی نەخۆشییە گوازراوەکانیان لە ناو منداڵان دا.

 

زانیاریی زیاتر: لە سەرەتای دەستپێکردنی ئۆپەراسیۆنە سەربازییەکانی ئیسرائیل بۆ سەر کەرتی غەززە زیاتر لە 145 هەزار فەڵەستینی کوژران و برینداربوون، 10 هەزار کەسی دیکەش بێسەروشوێن بوون.