تەندروستیی جیهانی: زیاتر لە 50 هەزار کەس ڤاکسینی ئاوڵەی مەیموون لە کۆنگۆ وەردەگرن

ئاڤا نیوز

 

ڕێکخراوی تەندروستیی جیهانیی ڕایگەیاند، تائێستا زیاتر لە 50 هەزار کەس ڤاکسینی دژی ئاوڵەی مەیموونیان لە کۆماری دیموکراتی کۆنگۆ و ڕواندا وەرگرتووە.

 

وێنەگەورەکە: لە سەرەتایی مانگی ڕابردوودا کۆماری دیموکراتی کۆنگۆ و بەشێکی وڵاتانی ئەفریقا هەڵمەتی کووتانی ئاوەڵەی مەیموونیان دەستی پێکردووە و تا ئێستا زیاتر لە 50 هەزار کەس ڤاکسینەکەیان وەرگرتووە.

 

بڵاوکراوەی فەرمی: تەندروستیی یەکێتیی ئەفریقا ڕایگەیاند: " ئاوڵەی مەیموون لە کۆنتڕۆڵ دەرچووە و بەشێوەیەکی مەترسیدار بڵاودەبێتەوە.

 

لەلایەکی دیکەوە: تێدرۆس ئەدهانۆم، بەڕێوەبەری گشتیی ڕێکخراوی تەندروستیی جیهانیی گوتی "ڕێکخراوی تەندروستیی جیهانیی، بڕیاری دا نزیکەی 900 هەزار ژەمە ڤاکسینی ئاوڵەی مەیموون بەسەر نۆ وڵات دابەش بکات".

 

زانیاریی زیاتر: لە سەرەتای بڵاوبوونەوەی ڤایرۆسی ئاوڵەی مەیموون لە  ئەفریقا نزیکەی 48 هەزار کەیسی تووشبوون بە ڤایرۆسەکە تۆمارکراوە، زیاتر لە هەزار کەس گیانیان لەدەستداوە لە زۆربەیان کۆماری کۆنگۆی دیموکرات بوون.