سوپای عێراق و سعودیە مەشقی سەربازی هاوبەش لە نێوانیان ئەنجام دەدەن

ئاڤا نیوز

 

عێراق و سعودیە لەسەر مەشق و ڕاهێنانی هاوبەشی سەربازیی نێوان هەردوو سوپا و ڕەوانەکردنی بریندارانی سوپای عێراق بۆ چارەسەر لە سعودیە ڕێککەوتن.

 

چیرۆکی سەرەکی: سابت محەممەد سەعید، وەزیری بەرگریی عێراق بە سەرۆکایەتیی شاندێکی باڵای ئەمنی لە سعودیە لەگەڵ شازادە خالد بن سەلمان، وەزیری بەرگریی سعوودیە کۆبووەوە، جیا لە پەیوەندییە دوو قۆڵییەکانی نێوان هەردوو وڵات، تاوتوێی چەند پرسێکی هەنوکەیی کران.

 

ڕاگەیێنراوی فەرمی: وەزارەتی بەرگریی عێراق ڕایگەیاند: لە چوارچێوەی هەماهەنگییە هەرێمییەکانی عێراق لەگەڵ وڵاتانی دراوسێ، وەزیری بەرگریی عێراق لەگەڵ هاوتا سعودیەکەی جەختیان لەسەر گرنگی هەوڵەکان بۆ هێورکردنەوەی دۆخی ڕۆژهەڵاتی ناوەڕاست کردووەتەوە، هاوکات گفتوگۆیان لەسەر میکانیزمێکی تایبەت بە مەشقی هاوبەشی نێوان هێزەکانی عێراق و هێزەکانی سعودیە کردووە."

 

زانیاریی زیاتر: هەر بەپێی ڕاگەیێنراوەکە: هەردوو وەزارەتی بەرگریی عێراق و سعودیە، ڕێککەوتن کراوە لەسەر مەشق و ڕاهێنانی هاوبەشی سەربازیی نێوان هەردوو سوپا، هاوکات ڕەوانەکردنی بریندارانی سوپای عێراق بە مەبەستی چارسەر بۆ سعودیە.