ئەنجوومەنی وەزیرانی هەرێمی کوردستان سێ تەوەر تاوتوێ دەکات

ئاڤا نیوز 

 

بە سەرپەرشتیی سەرۆکوەزیران مەسرور بارزانی، یەکەمین کۆبووەنەوەی ئاسایی دوای هەڵبژاردنی خولی شەشەمی پەرلەمانی کوردستان دەکات، هەڵوەستە لەسەر چەند پرسێکی هەنووکەیی دەکرێت.

 

چیرۆکی سەرەکی: ئەمڕۆ چوارشەممە، 06-11-2024، ئەنجوومەنی وەزیرانی هەرێمی کوردستان بە سەرپەرشتیی سەرۆکوەزیران مەسرور بارزانی کۆ دەبێتەوە، سێ تەوەر تاوتوێ دەکرێن.

 

زانیاریی بەدەستهاتوو:  لە تەوەری یەكەمدا، دواپێشهاتی تایبەت بە پرسی ئەنجامدانی سەرژمێریی گشتیی دانیشتوان لە عێراق، لەژێر ڕۆشنایی دواكۆبوونەوەی هاوبەشی نێوان حكومەتی هەرێمی کوردستان و حكومەتی فیدراڵی تاوتوێ دەكرێت.

 

تەوەری دووەم، دواین پێشهاتی تایبەت بە بارودۆخی دارایی و مووچە و بابەتی (ژمارەی وەزیفی)ی فەرمانبەران و هەندێك ڕێکكاری نوێی وەزارەتی دارایی عێراق بۆ مووچەی مانگی 10 ساڵی 2024 و ئەنجامی گفتوگۆكان لەم بارەیەوە دەخرێتە ڕوو.

 

لەلایەکی دیکەوە: تەوەری سێیەمی کۆبوونەوەکە، پەیوەست دەبێت بە نوێترین پێشنیاری حكومەتی فیدراڵی، سەبارەت بە هەمواركردنەوەی ماددەی (12) لە یاسای بودجەی عێراقی فیدراڵ، تایبەت بە دەستپێكردنەوەی هەناردەی نەوت و خستنەڕووی دواكۆبوونەوە و دانوستانەكان لەمبارەیەوە لەگەڵ وەزارەتی نەوتی فیدراڵ و كۆمپانیا نەوتییەكان دەخرێتە ڕوو.