بەرپرسی ڕاگەیاندنی حیزبوڵڵای لوبنان لەلایەن ئیسرائیل کوژرا

ئاڤا نیوز

لە بۆردوومانێکی ئیسرائیلدا بۆ سەر بەیرووت، بەرپرسی ڕاگەیاندنی حیزبوڵڵای لوبنان کوژرا.

چیرۆکی سەرەکی:  محەممەد عەفیف،  بەرپرسی ڕاگەیاندنی حیزبوڵڵای لوبنان لە هێرشێکی ئیسرائیلدا بۆ سەر ناوچەی ڕاس ئەلنەبەعه لە ناوەڕاستی بەیرووتی پایتەختی لوبنان کوژرا.

ڕاگەیێنراوی فەرمی: ئیسرائیل ڕایگەیاند: ئامانجی هێرشەکەی ئیسرائیل بۆ سەر بەیرووت محەممەد عەفیف بووە و ئامانجەکەیان سەرکەوتوو بووە.

ئەوەی پێویستە بیزانیت: کوشتنی محەممەد عەفیف دوای  بەئامانجگرتنی ماڵی بنیامین نەتانیاهۆ، سەرۆکوەزیرانی ئیسرائیل دێت لە شەوی ڕابردوودا. ئەمە لەکاتێکدایە مانگی ڕابردوو، عەفیف ڕایگەیاندبوو بەردەوام دەبن لە بەئامانجگرتنی ماڵی نەتانیاهۆ.