بەهۆی کەوتنەخوارەوەی پارچە مووشەکێک لە ئیسرائیل پێنج کەس بریندار بوون

ئاڤا نیوز

ئێوارەی ڕۆژی دووشەممە لە تێلئەڤیڤی پایتەختی ئیسرائیل  پارچەکانی مووشەکێک کەوتنە خوارەوە و بە هۆیانەوە پێنج کەس بریندار بوون و ئاگریش لە ناوچەیەکی بازرگانی لە ناوەڕاستی تێلئەڤیڤ کەوتەوە.

 

وێنە گەورەکە: چەند مانگێکە شەڕ لە نێوان ئیسرائیل  و حیزبوڵڵای لوبنان دەستی پێکردووە، لەو کاتەوە چەند جارێک تێلئەڤیڤ و چەند ناوچەیەکی دیکەی ئیسرائیل لەلایەن حیزبوڵڵاوەو بۆردوومان کراوە، هاوکات ماڵی بنیامین نەتانیاهۆش کراوەتە ئامانج.

 

زانیاریی زیاتر: کەناڵی 12ـی ئیسرائیلی ڕاگەیاندووە بە هۆی کەوتنەخوارەوەی پارچەی مووشەکەکەوە کارەبای چەند ناوچەیەکی تێلئەڤیڤ پچڕاوە.

 

ئەوەی پێویستە بیزانیت: حکومەتی ئیسرائیل بە هۆی ڕووداوەکەوە داوای کردووە دانیشتوانی تێلئەڤیڤ لە ماڵەکانیان بمێننەوە و نەیەنە دەرەوە، ئەمەش لە ترسی بۆردومانی دیکەی موشەکی.

 

ئەمەش بزانە: هێشتا دیار نییە کە مووشەکەکە لە کوێوە ئاراستە کراوە و هیچ کەس و لایەنێکیش دەستبەجێ بەرپرسیارێتی لە ئەستۆ نەگرتووە.