ئومێد خۆشناو: 97%ـی دانیشتووانی هەولێر لە سەرژمێری تۆمارکراون

ئاڤا نیوز

 

پارێزگاری هەولێر ڕایدەگەیێنێت، وێڕای دەستخۆشییان بۆ بژمێر و هێزە ئەمنییەکان، پڕۆسەی سەرژمێری لە هەولێر زۆر بە باشی بەڕێوەدەچێت و تاوەکو ئێستا هیچ گرفتێک لە پڕۆسەکەدا نەبووە.

وێنە گەورەکە: بەرەبەیانیی ئەمڕۆ چوارشەممە 20-11-2024، سەرژمێری گشتی لە سەرجەم ناوچەکانی عێراق و هەرێمی کوردستان دەستیپێکرد و ماوەی دوو ڕۆژیش قەدەغەی هاتووچۆ دەبێت.

لێدوانی فەرمی: ئومێد خۆشناو، پارێزگاری هەولێر لە کۆنگرەیەکی ڕۆژنامەوانیدا ڕایگەیاند: تاوەکو ئێستا نزیکەی 97%ـی دانیشتووانی هەولێر لە پڕۆسەی سەرژمێریدا تۆمارکراون و ئەمەش ڕێژەیەکی زۆر بەرزە.

زانیاریی زیاتر: ئەوەشی گوت: سوپاسی هاونیشتمانییانی هەولێر دەکەین لە بەرانبەر پابەندبوونیان بە قەدەغەی هاتووچۆ و تاوەکو ئێستاش هیچ سەرپێچییەک تۆمار نەکراوە.