بژمێرەکانی سەرژمێری سەردانی قەڵای هەولێر دەکەن و هاونیشتمانییان تۆمار دەکەن

ئاڤا نیوز 

 

پرۆسەی سەرژمێری لە عێراق و هەرێمی کوردستان بەردەوامە، هاوکات قەڵای هەولێر وەک کۆنترین شاری جیهان، لەلایەن بژمێرەکانەوە سەردانی دەکرێت و خێزانەکان تۆمار دەکرین.

 

وێنە گەورەکە: لە کۆنترین شاری شارستانی جیهان کە قەلای هەولێرە، لە چوارچێوەی پرۆسەی سەرژمێری دا بژمێرەکان نزیکەی 10 خێزان لەقەڵای هەولێر تۆمار دەکەن، کە تاوەکو ئێستا لەسەر قەڵا دەژین.

 
لێدوانی فەرمی: دڵزار حەمە ساڵح، بەڕێوەبەری ئاماری هەولێر بە ئاڤا میدیای ڕاگەیاند: ئەمە ‌هێمایە کە بۆ بەردەوامی ژیان لە قەلای هەولێر بۆ ماوەی شەش هەزار ساڵ، هاوکات تیمەکانی بژمێر سەردانی خێزانەکانیان کردووە و لە سەرژمێری تۆمار کراون.

 

ئەمەش بزانە: ساڵی 2006، بە مەبەستی نۆژەنکردنەوەی قەڵای هەولێر و پاراستنی ئەو شوێنەوارە مێژوییە دێرینەی جیهان، بڕیاری چۆڵکردنی قەڵا کە دراوە، هاوکات یونسکۆ بڕیاری دا کە خێزانێک لە قەڵاکە بمێنێتەوە، تاوەکو پیشانی جیهان بدرێت کە ژیان تێیدا بەردەوامە.