سەرۆکوەزیران مەسرور بارزانی و باڵیۆزی بەریتانیا لەسەر پێکهێنانی حکومەتێکی گشتگیر هاوڕابوون

ئاڤا نیوز

 

ئەمرۆ هەینی لە شاری دهۆک سەروکوەزیران بارزانی لەگەڵ ستیڤن هیچن باڵیۆزی بەریتانیا لە عێراق کۆبووەوە، پێکهێنانی حکومەتی داهاتوو و دابینکردنی شایستە داراییەکانی هەرێمی کوردستان لەلایەن عێراقەوە دوو تەوەری گرنگی دیدارەکە بوون.

 

بڵاوکراوەی فەرمی: سەرۆکوەزیران مەسرور بارزانی لە هەژماری فەرمی خۆی لە تۆڕی کۆمەڵایەتی فەیسبووک لەبارەی کۆبوونەوەکەی لەگەڵ ستیڤن هیچن نووسیویەتی: "بابەتی سەرەکی کۆبوونەوەمان تایبەت بوو بە ئامادەکارییەکانی پێکهێنانی کابینەی نوێی حکومەتی هەرێمی کوردستان، هاوڕابووین لەسەر پێکهێنانی حکومەتێکی یەکگرتووی گشتگیر کە لە زووترین کاتدا دەست بەکار بێت و بە بێ جیاوازی، خزمەتی هەموو هاووڵاتییانی هەرێمی کوردستان بکات.

 

لەلایەکی دیکەوە: وەک لە پەیامەکەی سەرۆکوەزیران مەسرور بارزانی هاتووە بەشێکی دیکەی کۆبوونەوەکە،  جەخت کردنەوە بوو لە گرنگیی دابینکردنی مووچە و شایستە داراییەکان و مافە دەستوورییەکانی هەرێمی کوردستان.