کوردێک وەک باڵیۆزی عێراق لە ئوردن دەستبەکار دەبێت

ئاڤا نیوز

بڕیارە ئەم هەفتەیە د.عومەر بەرزنجی، بریکاری وەزارەتی دەرەوەی عێراق کە کوردە، وەکو باڵیۆزی نوێی عێراق لە ئوردن دەستبەکار بێت.

لێدوانی فەرمی: دکتۆر عومەر بەرزنجی هەواڵەکەی بۆ ئاڤا میدیا پشتڕاست کردەوە و وتی، ڕۆژی پێنجشەممە 28-11-2024 دەستبەکار دەبێت.

بۆچی گرنگە: ئوردن لەگەڵ عێراق و هەرێمی کوردستان پەیوەندییەکی نزیک و پتەوی هەیە، دەستبەکاربوونی کوردێکیش وەکو باڵیۆز کاریگەری لەسەر بەهێزتربوون و فرەڕەنگبوونی پەیوەندییەکان دەبێت.

بایۆگرافی: عومەر بەرزنجی لە ساڵی 1960 لە سلێمانی لەدایک بووە، لە زانستە ئیسلامییەکان، زانستە سیاسییەکان و یاسا بڕوانامەی هەیە و لە ساڵانی ڕابردوودا وەکو باڵیۆزی عێراق لە وڵاتانی لوبنان، ڕۆمانیا، ڤاتیکان و قەتەر کاری کردووە، دوو ساڵیش جێگری وەزیری دەرەوەی عێراق بووە.

 

ئەمەش بزانە: هەفتەیەک پێش ئێستا د.عومەر بەرزنجی سەردانی سەرۆک مەسعود بارزانی کرد لە پیرمام و بیروڕایان لەبارەی بارودۆخی سیاسیی عێراق و دوایین پێشهات و گۆڕانکارییەکانی ناوچەکە ئاڵوگۆڕ کرد. هەروەها سەرۆک بارزانی هیوای سەرکەوتنی بۆ ن خواست لە ئەرکی نوێیدا.