لیستی پڕفرۆشترین ئۆتۆمبێلەکانی ساڵ؛ فۆرد یەکەمە

ئاڤا دیجیتاڵ 

 

بە پشتبەستن بەو داتا و زانیارییانەی کۆمپانیاکانی بەرهەمهێنانی ئۆتۆمبێل ئاشکرایان کردووە، لیستی پڕفرۆشترین ئۆتۆمبێلەکان لەسەر ئاستی جیهان بۆ ساڵی 2023 ئاشکراکرا و تێیدا کۆمپانیای فۆرد پێشەنگی لیستەکەی گرتووە. 

 

لیستی پڕفرۆشترینەکان:

1- کۆمپانیای فۆرد لە پلەی یەکەم دێت بە ئۆتۆمبێلی "ئێف سیریێس" کە فرۆشی 750 هەزار و 789 ئۆتۆمبێل بووە.

 

 

2- کۆمپانیای شێڤرۆلێت لە پلەی دووەمە بە ئۆتۆمبێلی جۆری "پیکئەپ سلڤڕادۆ" کە 543 هەزار و 319 لێ فرۆشراوە.

 

 

3- کۆمپانیای ڕام لە پلەی سێیەمە کە 444 هەزار و 926 "پیکئەپ"ـی فرۆشتووە.

 

 

4- کۆمپانیای تۆیۆتا لە پلەی چوارەم دێت بە ئۆتۆمبێلی "ڕاڤ فۆر" کە 434 هەزار و 943 ئۆتۆمبیلی فرۆشتووە.

 

 

5- کۆمپانیای تێسلاش هاتووەتە رکابەرییەکە و لە پلەی پێنجەم بە ئۆتۆمبێلی کارەبایی مۆدێل وای کە 385 هەزار و 900 ئۆتۆمبێلی فرۆشتووە.

 

 

6- کۆمپانیای هۆندای ژاپۆنی پلەی شەشەمی گرتووە بە ئۆتۆمبێلی CR-V کە 361 هەزار و 457 لێ فرۆشتووە.

 

 

7- کۆمپانیای GMC لە پلەی حەوتەمە بە ئۆتۆمبێلی سیێرا کە 295 هەزار و 737 فرۆشتووە.

 

 

8- کۆمپانیای تۆیۆتا دووبارە دەگەڕێتەوە ریزبەندییەکە و پلەی هەشتەم بە کامیری دەگرێت کە 290 هەزار و 649 ئۆتۆمبێلی فرۆشتووە.

 

9- کۆمپانیای نیسان لە پلەی نۆیەمە بە ئۆتۆمبێلی جۆری SUV رۆگ کە 271 هەزار و 458ی فرۆشتووە.

 

 

10- کۆمپانیای جیپ پلەی دەیەمی گرتووە بە ئۆتۆمبێلی گراند چیرۆکی کە 244 هەزار و 595ی فرۆشتووە.

 

 

ساڵانە کۆمپانیاکانی وەک "تۆیۆتا، فۆرد و شێڤرۆلێت" ئۆتۆمبێلەکانیان لە ڕیزبەنی یەکەمەکان دەبینرێن، بەڵام جیاواز لە ساڵانی پێشوو لە 2023ـدا تێسلا بە ئۆتۆمبێلێکی کارەبایی هاتە ریزبەندییەکەوە و رۆژانەش ژمارەی فرۆشی لە زیادبوون دایە.