ڕوونکردنەوەیەک لە نووسینگەی ڕاگەیاندنی سەرۆکوەزیران مەسرور بارزانی

ئاڤا نیوز

 

نووسینگەی ڕاگەیاندنی سەرۆکوەزیران مەسرور بارزانی، ڕوونکردنەوەیەک لەسەر چاوپێکەوتنی کەسێک بەناوی جەمال مستەفا تکریتی بڵاو دەکاتەوە.

 

چیرۆکی سەرەکی: کەسێک بە ناوی جەمال مستەفا تکریتی کە زاوای دیکتاتۆری پێشووی عێراقە، لە چاوپێکەوتنێکدا لەگەڵ ڕۆژنامەی (الشرق الأوسط)دا ، نکوڵی لە کیمیابارانکردنی شاری هەڵەبجە دەکات کە لەلایەن رژێمی بەعسی پێشووی عێراقەوە ئەنجامدراوە، هاوکات نووسینگەی ڕاگەیاندنی سەرۆکوەزیران مەسرور بارزانی ڕوونکردنەوەیەک بڵاو دەکاتەوە.

 

ئەوەی پێویستە بیزانیت: نووسینگەی ڕاگەیاندنی سەرۆکوەزیران مەسرور بارزانی لە ڕوونکردنەوەیەکدا ڕایگەیاند: جەمال مستەفا تکریتی، بۆ ئەمەش بەڵگە بە لێدوانێکی هەڵبەستراوی سەرۆکوەزیران مەسرور بارزانی دەهێنێتەوە، کە گوایا گوتویەتی "دوو فڕۆکەی ئێرانی هەڵەبجەیان کیمیاباران کردووە"، ئەم لێدوانە هیچ بنەمایەکی نییە و دروستکراوە، هاوکات سەرۆکوەزیران بارزانی هیچ کاتێک لێدوانی وای نەداوە . 

 

ئەمەش بزانە: نووسینگەی ڕاگەیاندنی سەرۆکوەزیران ئاماژە بەوەش دەکات: ئەنجامدەرانی کیمیابارانکردنی هەڵەبجە، زۆر دیار و ئاشکران و هەموو بەڵگەکان هەن کە ئەنجامدەرەکەی ڕژێمی پێشووی عێراقە.