ئیسرائیل ئاگربەستی لەگەڵ حیزبوڵڵا پەسەند کرد

ئاڤا نیوز

 

کەمێک پێش ئێستا حكومەتی ئیسرائیل ڕایگەیاند، ڕەزامەندی لەسەر ئاگربەستی لەگەڵ حیزبوڵڵای لوبنان نیشانداوە. 

 

وێنە گەورەکە: ماوەی 60 ڕۆژە هێرشی سوپای ئیسرائیل بۆ سەر بەیرووتی پایتەختی لوبنان بەردەوامە، تاوەکو ئێستا بەگوێرەی دوایین ڕاپۆرتی وەزارەتی تەندروستی لوبنان، سێ هەزار و 754 کەس کوژراون و 15 هەزار و 626 کەسی دیکەش برینداربوون.

 

ڕاگەیێنراوی فەرمی: بنامین نەتانیاهۆ ڕایگەیاند، ڕێککەوتنی ئاگربەست لەگەڵ لوبنان جێبەجێ دەکەین و باکووری ئیسرائیل ئاوەدان دەکەینەوە.

 

لەلایەکی دیکەوە: نەجیب میقاتی، سەرۆكوەزیرانی لوبنان ڕایگەیاند، نەتانیاهۆ لە قسەكانیدا ڕاستگۆ نییە و تاوەکو ئێستا هیچ شتێکمان لەبارەی ئاگربەستەکە نەبینیوە. 

 

ئەوەش بزانە: حیزبوڵلای لوبنان ڕایگەیاند، ئێمە لە هێرشەکانمان بەردەوام دەبین و ئەمشەو هێرشێکی چاوەڕوان نەکراو دەکەینە سەر ئیسرائیل.