هەڵوێستی یونیفیل لەبارەی ئاگربەستی حیزبوڵڵا و ئیسرائیل

ئاڤا نیوز

 

هێزی ئاشتیپارێزی نەتەوەیەکگرتووەکان پێشوازی لە ڕاگەیاندنی ئاگربەستی لوبنان دەکات، هاوکات ئاماژە بە ڕێکخستنەوەی کارەکانیان لە لوبنان دەکات کە بە جۆرێک لەگەڵ دۆخی نوێی ئەو وڵاتەدا بگونجێت.

 

وێنە گەورەکە: دوای هەوڵی وڵاتان، ئاگربەستی حیزبوڵڵا و ئیسرائیل لە لوبنان ڕاگەیێنرا، ئەمەش کاردانەوەیەکی زۆری وڵاتانی لێکەوتەوە و جیهان دڵخۆشە بەوەی ڕۆژهەڵاتی ناوەڕاست هەنگاوێک لە شەڕی ناوچەیی پێشبینیکراو دوورکەوتەوە.

 

ڕاگەیێنراوی فەرمی: یونیفیل ڕایگەیاند: لەگەڵ سەرجەم لایەنەکان هاوئاهەنگی دەکەین بۆ سەرکەوتنی ئاگربەستی لوبنان، هەروەها دەستمان کردووە بە ڕێکخستنەوەی کارەکانمان کە بەجۆرێک لەگەڵ دۆخی نوێ بگونجێت.

 

ئەمەش بزانە: هێزی ئاشتیپارێزی سەربە نەتەوەیەکگرتووەکان لە لوبنان ناسراو بە "یونیفیل" هێزێكی نێوده‌وڵه‌تییە، کە بۆ پاراستنی ئاشتی له‌ باشووری لوبنان له‌ دوای شه‌ڕی ئیسرائیل بۆ سه‌ر باشووری ئه‌و وڵاته‌ له‌ ساڵی 2006 بڵاوەی پێکرا.