جووتیارانی پۆڵاند شاڕێی ئەڵمانیا دەگرن

ئاڤا نیوز

جووتیارانی پۆڵاند لە دژی باجی تووند و ڕێساکانی یەکێتیی ئەوروپا و هاوردەکردنی هەرزانتری بەروبوومی کشتوکاڵی لە دەرەوەی یەکێتیی ئەوروپاوە، شاڕێی سەرەکیی ئەڵمانیایان گرت.

چیرۆکی سەرەکی: جووتیارە پۆڵییەکان دەڵێن دژی ئەو یاسایەن کە پێی دەڵێن (ڕێککەوتنی سەوز) و بۆ کەمکردنەوەی دەردانی گاز بۆ نێو بەرگەهەوای زەوی، ڕێکخستنی نوێ لەبارەی وزە و باج و گواستنەوەدا لە نێوان 27 وڵاتدا واژۆ کراوە.

چەند هەفتەیەکە جووتیارانی هەموو ئەوروپا بەگشتی و هی پۆڵاند بەتایبەتی خۆپیشاندان ساز دەکەن، دژی هاوردەکردنی بەرهەمی هەرزانتری دەرەوەی یەکێتیی ئەوروپا و کەمیی داهات و دەڵێن لە ئەنجامی ڕێککەوتنی سەوزدا باجی زۆر و یاسای ئێجگار تووندی ژینگەییان لەسەر دانراوە.

سەرەتا دایاننابوو 25 ڕۆژ شاڕێگاکە بگرن، بەڵام دوای گفتوگۆ لەگەڵ نوێنەرانی حکومەت و بازرگانەکاندا ماوەکەیان کەم کردەوە و لەوانەیە سبەی ڕێگاکە بەربدەن.

ئەوەی پێشبینی دەکرێت: بڕیارە سبەی وەزیرانی کشتوکاڵی یەکێتیی ئەوروپا لە بروکسل کۆببنەوە و تاوتوێی گۆڕینی هەندێک ڕێسا بکەن.