تورکیا و ئێران جەخت لە دۆزینەوەی چارەسەری گونجاو بۆ دۆخی سووریا دەکەنەوە

ئاڤا نیوز

 

وەزیرانی دەرەوەی ئێران و تورکیا لەبارەی دۆخی ئێستای سووریا و ڕۆژهەڵاتی ناوەڕاست کۆبوونەوە و جەختیان لە دۆزینەوەی چارەسەری گونجاو بۆ دۆخی سووریا کردەوە. 

 

وێنە گەورەکە: دوای ئەوەی دوێنێ، عەباس عراقچی، وەزیری دەرەوەی ئێران سەردانی دیمەشقی کرد، ئەمڕۆ دووشەممە 02-12-2024 سەردانی ئەنقەرەی کرد و لەگەڵ هاوتا تورکییەکەی لە بارەی ڕەوشی سووریا و ناوچەکە کۆبووەوە.

 

لێدوانی فەرمی: هاکان فیدان، وەزیری دەرەوەی تورکیا ڕایگەیاند: ''تورکیا یەکڕیزیی خاکی سووریا دەپارێزێت و ڕێگە نادات کە گرووپە تیرۆریستییەکان سوود لە بارودۆخی ناوچەکە وەربگرن کە  بەهۆی گرژی و ئاڵۆزییەکان سەریهەڵداوە''.

 

لەلایەکی دیکەوە: عەباس عراقچی گوتی: پاڵپشتی سووریاین و تێدەکۆشین بۆ ئەوەی سەقامگیریی ناوچەکە بگەڕێنینەوە.

 

باکگراوند: لە ڕۆژی 27-11-2024، گرووپە چەکدارەکانی سووریا دەستیان بە هێرش کردەوە و کۆنتڕۆڵکردنی تەواوی پارێزگای حەلەب و ئیدلبیان ڕاگەیاند و نزیکەی 446 کەس کوژراون.