ئاگادارییەک لە کۆمیسیۆنەوە بۆ دەنگدەرانی هەرێمی کوردستان

ئاڤا نیوز

 

کۆمیسیۆنی هەڵبژاردنەکانی عێراق ڕایگەیاند، لەسەر بڕیاری ئەنجوومەنی کۆمیسیاران پرۆسەی تۆماری بایۆمەتری و دابەشکردنی کارتی دەنگدان بۆ دەنگدەرانی هەرێمی کوردستان دەستپێدەکاتەوە.

 

وێنە گەورەکە: لە هەڵبژاردنی خولی شەشەمی پەرلەمانی کوردستان بەشێک لە هاووڵاتیان بەهۆی ئەوەی پرۆسەی تۆماری بایۆمەترییان نەکردبوو لە مافی دەنگدان بێ بەشبوون، بۆیە بڕیارەکەی کۆمیسیۆن دووبارە دەرفەت بەو کەسانە دەداتەوە هاوکات ئەوانەشی دوای هەڵبژاردنەکە بوونەتە 18 ساڵ، ئێستا دەتوانن تۆماری بایۆمەتریی بکەن.

 

ڕاگەیێنراوی فەرمی: کۆمیسیۆنی هەڵبژاردنەکانی عێراق بڵاویکردەوە، بەگوێرەی بڕیاری ئەنجوومەنی کۆمیسیاران کە ئەمڕۆ دووشەممە دەریکردووە، پرۆسەی تۆماری بایۆمەتری و دابەشکردنی کارتی دەنگدان لە پارێزگاکانی هەرێمی کوردستان دەستپێدەکاتەوە.