لاڤرۆڤ: ڕێگە نادەین تیرۆرستان سەربکەون

ئاڤا نیوز

 

ڕووسیا جارێکی دیکە دێتە دەنگ و داوا دەکات دەستبەجێ کۆتایی بە کردەوە دوژمنکارییەکان لە سووریا بهێنرێت و یەکپارچەیی وڵات بپارێزرێت.

 

وێنە گەورەکە: لە 22ـەمین کۆربەندی دۆحە کە لە دۆحەی پایتەختی قەتەر بەبەشداری چەند وڵاتێک بەڕێوەچوو، ڕووسیاش یەکێک بوو لە بەشداربووان کە تێیدا پێشهاتەکانی ئێستای سووریا تاوتوێی کران.

 

لێدوانی فەرمی: سێرگی لاڤرۆڤ، وەزیری دەرەوەی ڕووسیا سەبارەت بە دۆخی ئێستای سووریا ڕایگەیاند، ''ڕێگە نادەین تیرۆرستەکان سەرکەوتن بەدەستبهێنن، مۆسکۆ بەجیا ڕووبەڕووی هەموو گرووپێکی تیرۆرستی دەبێتەوە، تەنانەت ئەوانەی کە دەڵێن ئێمە تیرۆرست نین''. 

 

لە درێژەی قسەکانیدا، لاڤرۆڤ تیشکی خستەسەر هەماهەنگی وڵاتان و وتی، لەگەڵ ئێران و تورکیا لە هەماهەنگیداین بۆ بارودۆخی سووریا و چارەسەری سیاسی دۆزینەوەی.