ئەردۆغان: دەبێت سووریا بۆ سوورییەکان بێت

ئاڤا نیوز

 

ئاڵۆزی و پێکدادانەکان لە سووریا بەردەوامن و ئۆپۆزیسیۆن و هێزەکانی سووریای دیموکرات لە چەندین ناوچە لە سووریا لە پێشڕەویدان، تادێتیش کاردانەوە نێودەوڵەتییەکان لە سەر دۆخەکە زیاتر دەبن و سەرۆککۆماری تورکیاش پەیامی نوێی هەیە.

 

وێنە گەورەکە: پێکدادانەکان لە سووریا، بەتایبەتی لە دێرەزوور و حومس و دیمەشق زۆر خێراتر ڕوودەدەن و سووپای سووریاش لە چەندین ناوچە دەکشێتەوە، ئۆپۆزسیۆنیش لە چەندین ناوچە لە پێشڕەویدان.

 

لێدوانی فەڕمی: ڕەجەب تەیب ئەردۆغان، سەرۆککۆماری تورکیا ڕایگەیاند: دەبێت سووریا بۆ سوورییەکان بێت، دەڵێت، پێشتر داوام لە بەشار ئەسەد کرد پێکەوە دانیشین و ئایندەی سووریا داڕێژین، بەڵام ئامادەنەبوو.

 

هاوکات گوتی: "ئامانجەکە ئیدلب، حەما، حومس و بێگومان دیمەشقیشە، تا ئێستا ئەو دۆخەی کە هەیە، ئێمە لە ڕووی هەواڵگریی و میدیاکانەوە چاودێری دەکەین، هیوادارین بەبێ هیچ زیانێک کۆتایی بێت.

 

 

ئەمەش بزانە: سووریا بەدۆخێکی سیاسی و سەربازی زۆر خێرادا تێدەپەڕێت، شڕۆڤەکاران دەڵێن، ئەسەد هیچ ئایندەیەکی لە سووریا نەماوە، ئەمەش بەهۆی ئەوەی ڕووسیا پشتی لە ئەسەد کردووە.