سەرۆکوەزیران مەسرور بارزانی لەگەڵ وەزیری گەشەپێدانی بەردەوامی بەحرەین کۆبووەوە

ئاڤا نیوز 

 

لە شاری مەنامەی پایتەختی بەحرەین، سەرۆکوەزیران مەسرور بارزانی لە گەڵ وەزیری گەشەپێدانی بەردەوامیی بەحرەین کۆبووەوە و پرسی وەبەرهێنانیان تاوتوێ کرد.

 

وێنە گەورەکە: سەر لەبەیانی ئەمڕۆ دووشەممە 9-12-2024، سەرۆکوەزیران مەسرور بارزانی، بە سەردانێکی فەرمی گەیشتە بەحرەین و بڕیارە لەگەڵ شا و شازادەی جێنشین و سەرۆکوەزیران و بەرپرسانی باڵای بەحرەین کۆببێتەوە و گفتوگۆ لەبارەی پەرەپێدانی پەیوەندییەکانی نێوان هەرێمی کوردستان و بەحرەین و دوایین گۆڕانکاری و پێشهاتەکانی ناوچەکە بکات.

 

زانیاریی بەدەستهاتوو: لە میانی سەردانەکەیدا بۆ بەحرەین، سەرۆکوەزیران مەسرور بارزانی، لە شاری مەنامە لەگەڵ نوور بنت عەلی خولەیف، وەزیری گەشەپێدانی بەردەوامیی بەحرەین و سەرۆکی ئەنجوومەنی گەشەپێدانی ئابووريی بەحرەین کۆبووەوە.

 

ئەمەش بزانە: لە کۆبوونەوەکەدا هەردوولا بیروڕایان ئاڵوگۆڕکرد سەبارەت بە پەرەپێدانی پەیوەندییەکانیان، بەتایبەتی لە بوارەکانی هەمەچەشنکردنی ئابووری و پەرەپێدانی سەرچاوەکانی داهات و برەودان لە وەبەرهێنان لە سەرجەم کەرتەکاندا.