ئیسرائیل دەیان بنکە و بارەگا لە سووریا بۆردوومان دەکات

ئاڤا نیوز

 

ئۆپەراسیۆنەکانی سوپای ئیسرائیل لەنێو خاکی سووریا بەردەوامە و دەیان بنکە و بارەگای سەربازیشی کردووەتە ئامانج.

 

وێنەی گەورەکە: دوای هێرشی چەکدارانی ئۆپۆزیسیۆنی سووریا بۆ سەر دیمەشقی پایتەختی وڵاتەکە و کەوتنی دەسەڵاتی بەشار ئەسەد، هێزەکانی ئیسرائیل چەندین کیلۆمەتر چوونەتە نێو خاکی سووریا و لە ئاسمانیشەوە بۆردومانی دەیان پێگەی سەربازی دەکەن.

 

ڕاگەیێنراوی فەرمی: بەگوێرەی ڕاپۆرتی ڕوانگەی سووری بۆ مافەکانی مرۆڤ، لە ڕۆژی یەکشەممەوە سوپای ئیسرائیل 310 هێرشی کردووەتە سەر فڕۆکەخانە و وێستگەی سیگناڵی سەربازی و چەندین کۆگای چەک و تەقەمەنی لە زۆربەی پارێزگاکانی سووریا.

 

لێدوانی فەرمی: بنیامین نەتانیاهۆ، سەرۆکوەزیرانی ئیسرائیل ڕایگەیاند: گرنگیی دانپێدانانە مێژووییەکە بە دەرکەوت، تەنانەت گرنگییەکەی گەورەتریش دەبێت و بەرزاییەکانی جۆلان دەبێتە بەشێکی دانەبڕاو لە دەوڵەتی ئیسرائیل بۆ هەمیشە."

 

لەلایەکی دیکەوە: ماتیو میلەر، گوتەبێژی وەزارەتی دەرەوەی ئەمریکا لەبارەی ئۆپەراسیۆنە سەربازییەکانی ئیسرائیل دەڵێت: "ئەم هەنگاوانەی ئیسرائیل کاتین و وڵاتەکە بەرگری لە سنوورەکانی دەکات، هاوکات ئەمانە کردەی بەردەوام نین و ئێمە پشتیووانی هەموو لایەنەکان دەکەین بۆ جێبەجێکردنی پابەندییەکانی ڕێککەوتنی 1974".