پۆلیسی کەرکووک دەچێتە سنووری سووریا

ئاڤا نیوز 

 

دەیان كارمەند و ئەفسەری پۆلیسی ئامادەی كەركووک كە سەر بە بەڕێوەبەرایەتیی پۆلیسی كەركووكن بە ئەرک دەنێردرێن بۆ سەر سنووری سووریا و گوتەبێژی پۆلیسی شارەكەش هۆكارەكەی ئاشكرا دەكات.

 

وێنە گەورەكە: بۆ ڕێگریكردن لە پەڕینەوەی گرووپە چەكدارییەكانی سووریا، عێراق هەزاران سەرباز و ئەندامی هێزە ئەمنییە جۆراوجۆرەكانی بە چەكی سووک و قورسەوە بردووەتە سەر سنووری عێراق - سووریا.

 

لێدوانی فەرمی: موقەدەم عامر نووری، گوتەبێژی پۆلیسی کەرکووک بە ئاڤا نیوزی ڕاگەیاند: بە بڕیای وەزارەتی ناوخۆی عێراق 150 پۆلیسی ئامادە بە ئەرک دەچنە سووریا و بۆ ماوەیەک لەوێ دەمێننەوە.

 

٠ ئەو ژمارەیەی پۆلیسی ئامادەی شارەكە بۆ ماوەی 15 ڕۆژ لەسەر سنووری عێراق - سووریا دەمێننەوە و دواتر دەگەڕێنەوە و 150 پۆلیسی دیكە شوێنیان دەگرنەوە، مەبەستەكەش پڕكردنەوەی ئەو بۆشاییە ئەمنییەكە كە لە سنووری عێراق - سووریا هەیە و پێویستی بە ژمارەیەكی زۆر هێزی ئەمنییە.